ოფისური სკანდალები და მენეჯერის პოზიცია
როგორ უნდა მოიქცეს წარმატებული მენეჯერი, თუ მის დაქვემდებარებულ ოფისში ნერვულ ნიადაგზე სკანდალი მოხდა? ასეთ სიტუაციაში, როდესაც თანამშრომელი თავის რისხვას კოლეგებს ან ხელმძღვანელობას ატეხავს თავს,
გამოცდილმა მენეჯერმა მოთმინება უნდა გამოიჩინოს და მხარი დაუჭიროს მას – დადებითი შედეგის მიღწევა მხოლოდ ასეთი ქცევით შეიძლება.
თანამშრომლის ნერვულ აფეთქებაზე ნეგატიური ან გულგრილი რეაქცია პრობლემურ სიტუაციას ვერ მოაგვარებს. აშშ-ის თემპლის უნივერსიტეტის ექსპერტები ჩატარებული კვლევის საფუძველზე ამტკიცებენ, რომ ასეთ სიტუაციაში განერვიულებულ თანამშრომელს ხელმძღვანელისა და დანარჩენი კოლეგების მხარდაჭერა ესაჭიროება.
კვლევაში მონაწილეობა მიიღო 194-მა ადამიანმა, რომლებიც სამსახურეობრივ გარემოში მრისხანე აფეთქებების მოწმეები გამხდარან. ექსპერტებმა აღმოაჩინეს, რომ პრობლემური თანამშრომლის სამსახურიდან გათავისუფლება
ორგანიზაციაში არსებული ძირითადი პრობლემის აღმოფხვრის გზა არ არის, თუმცა ხელმძღვანელის ან სხვა თანამშრომლის მხრიდან ყურადღებისა და მხარდაჭერის უბრალო გამოვლინება გარემოზე დადებით ზეგავლენას ახდენს.
„როდესაც კომპანია სჯის ან ათავისუფლებს თანამშრომლებს ნერვული აფეთქების საფუძველზე, ასეთი ქმედება უყურადღებოდ ტოვებს მსგავსი ინციდენტის მაპროვოცირებელი, რეალურად არსებული პრობლემის აღმოჩენისა და აღმოფხვრის აუცილებლობას“, – აღნიშნავენ მკვლევარები. ისინი ურჩევენ მენეჯერებს, რომ თანამშრომელთა უჩვეულო საქციელის გამომწვევი მიზეზებისადმი აქტიური ინტერესი გამოავლინონ, რადგან კონფლიქტის მოგვარების ყველაზე ეფექტური გზა სწორედ ასეთი სტრატეგიაა.
friday.ge 