ყვავილების ქვეყანა – Dubai Miracle Garden

Posted by friday.ge on 27/05/2013 · 1 კომენტარი 

დუბაი უკვე დიდი ხანია გადაიქცა ადგილად, სადაც მსოფლიოს უმდიდრესი ადამიანები ისვენებენ. ამ ქალაქში არის არა მხოლოდ მსოფლიოს საუკეთესო სასტუმროები, არამედ უამრავი გამაოგნებელი ღირშესანიშნაობა, რომელთაგანაც ნებისმიერს შეეძლო მსოფლიოს ახალი საოცრების წოდებაზე გამოეცხადებინა პრეტენზია.

ერთ-ერთი ასეთი საოცრებაა Dubai Miracle Garden, რომელიც მსოფლიოს უდიდეს ბაღად მიიჩნევა. ის 6500 კვადრატულ მეტრ ტერიტორიას იკავებს, სადაც 45 მილიონზე მეტი ყვავილი იზრდება.

მაგრამ ეს არ არის ყველაზე საოცარი. კომპანია Akar, რომელიც ლანდშაფტის დიზაინზეა სპეციალიზებული, პირობას დებს, რომ ყვავილების ექსპოზიციას ყოველ 3-4 თვეში შეცვლის, რათა დამსვენებლებს ერთი და იმავე ყვავილების ცქერა არ მობეზრდეთ.

დუბაის კლიმატის პირობებში ასეთი გამაოგნებელი ყვავილოვანი ოაზისის შექმნა შესაძლებელი გახდა წვეთოვანი ირიგაციის სისტემის მეშვეობით, რომელიც წყლის უდანაკარგოდ – ბოლო წვეთამდე გამოყენების საშუალებას იძლევა.

Dubai Miracle Garden ყოველდღე დილის 10 საათიდან საღამოს 10 საათამდე მუშაობს, გამოსასვლელ დღეებში კი დამსვენებლებს საოცარი ყვავილოვანი სამყაროთი ტკბობა შუაღამემდე შეუძლიათ.

დაათვალიერეთ ამ საოცარი ბაღის ფოტოები:

დუბაის საოცარი ბაღების მეტი ფოტო ნახეთ ამ ლინკზე.

Filed under ბუნება, დეკორი და დიზაინი, ლანდშაფტის დიზაინი, მებაღეობა და მებოსტნეობა, მოგზაურობა, ფოტო · Tagged with არაბთა გაერთიანებული საემიროები, დასასვენებელი პარკი, დუბაი, დუბაის საოცარი ბაღები, ირიგაცია, კომპანია Akar, ლანდშაფტის დიზაინი, მებაღეობა, ოაზისი, პარკის მუშაობის განრიგი, ყვავილები, ყვავილების ექსპოზიცია, Dubai Miracle Garden