ქაფქეიქის იოლი რეცეპტი

Posted by friday.ge on 26/05/2013 · 2 Comments 

ქაფქეიქი ერთ-ერთი ყველაზე პოპულარული ნამცხვარია მსოფლიოში. რატომაც არა? ის იოლი მოსაზადებელია, არც ბევრი ინგრედიენტი სჭირდება და ძალიან გემრიელია! რაც შეეხება ქაფქეიქების დეკორირებას. გასაფორმებლად შეიძლება გამოიყენოთ  მარციპანი, შოკოლადის ან თეთრი მინანქარი, კრემი, ბეზე, ხილი და თხილეულობა, დეკორის მზა ელემენტები. ასევე საკვებად ვარგისი საღებავი მარციპანის, კრემის ან ბეზესთვის ფერის მისაცემად. ახლა თავად რეცეპტი.

ინგრედიენტები:

• 150 გ შაქარი
• 200 გ კარაქი
• 2 კვერცხი
• 120 გ რძე (ან არაჟანი)
• 200 გ ფქვილი (თუ რძით აკეთებთ ცოტა მეტი ფქვილი დასჭირდება)
• 1 ჩ.კ. სოდა
• 1 ჩ.კ. გამაფხვიერებელი
• 1/5 ჩ.კ. მარილი
• ვანილი

მომზადება: შაქარი და დარბილებული კარაქი ათქვიფეთ მიქსერით. 5 წუთში შეათქვიფეთ კვერცხებბი, ვანილი, სოდა და მარილი. დაუმატეთ რძე და გააგრძელეთ თქვეფა 1 წუთი. ერთმანეთში კარგად აურიეთ ფქვილი და გამაფხვიერებელი და ნელ-ნელა ჩაყარეთ ათქვეფილ მასაში. მოურიეთ ხის კოვზით. ცომი უნდა იყოს სქელი კრემივით. ლითონის ფორმაში ჩაალაგეთ ქაფქეიქის ქაღალდები, ჩაასხით ცომი და გამოაცხვეთ დაახლოებით 160 გრადუს ტემპერატურაზე 20-25 წუთის განმავლობაში.

ზემოთ აღნიშნულ ინგრედიენტებს შეიძლება დაამატოთ 1  ს.კ. თაფლი, ძალიან გემრიელია! ასევე სულ მარტივად შეგიძლიათ გამოაცხოთ შოკოლადის ქაფქეიქები – ათქვეფამდე შაქარში შეურიეთ 3 ს.კ. კაკაო. კაკაოს თხევად მასაში დამატება რეკომენდებული არ არის, რადგან შეიძლება კარგად არ გაიხსნას, შაქარს კი უპრობლემოდ ერევა.

ქაფქეიქის ფოტო რეცეპტი:

გამოცხობის შემდეგ ქაფქეიქი  შეაგრილეთ და მხოლოდ ამის შემდეგ დაიწყეთ მორთვა.

ქაფქეიქების დეკორირების იდეები შთაგონებისთვის 🙂

Filed under კულინარია, რეცეპტები, ფოტო · Tagged with არაჟანი, გამაფხვიერებელი, ვანილი, თეთრი მინანქარი, კარაქი, კექსი, კვერცხი, მარილი, მარციპანი, ნაბიჯ-ნაბიჯ რეცეპტი, რძე, სოდა, ფქვილი, ქაფქეიქი, ქაფქეიქის დიზაინი, ქაფქრიქის რეცეპტი შოკოლადის ქაფქეიქი, შაქარი, შოკოლადის მინანქარი